انتشر أمس فيديو للحظة وصول المنتخب الإسباني إلى مقر إقامته في العاصمة عمان تمهيدا لملاقاة المنتخب الوطني وديا.

وتفاعل رواد مواقع التواصل الاجتماعي مع هذا الفيديو بطريقة فكاهية فمحمد عمايرة يعلق " يلا يا نشامى المهمة ليست صعبة ولكنها مستحيله" 

وفادي أبو عبيد يكتب "سنفاجئهم بطريقه جديده بلعب كرة القدم لايعرفها المنتخب الاسباني وهي طريقة الملاخمه .." 

ورنا ابو حامد ممازحة "أمانة حد يعزمهم ع منسف خليهم ينسطلو وما يعرفو يلعبو مش احنا أهل الكرم والجود😂😂"

ولكن رضوان الهزايمة كان له رأي اخر لذلك علق "

منتخبنا املنا فيه كبير لازم ما نخذله كلامكم غلط العبنا قبل هيك مع منتخبات عريقه وكان النا بصمه ابداع رائعه نعم في فارق لكن لسنا بضعفاء  نشاما"

وروان حامد" يخوان ١٠ / صفر منيح صح ! 

اللهم لا نسألك رد القضاء بل نسألك اللطف فيه 😁" 

وعلا تكتب"ومنتخبنا غادر البلد واحد منهم بكفي ليش كلهم جايين مغلبين حالهم عاد"

واياس الحسيني" كالعادة الاستقبال بالكشرة الاردنية ، الدمغة المطبوعة 

موظفين المطار حالفين يمين ما يبتسمو بوجه بني ادم"

محمد طلاب" الشوط الاول راح يكون لعب المنتخب رائع وراح يفاجئ الجميع لكن الشوط الثاني اللياقه البدنيه عند منتخبنا  راح تفاجئ الجميع وراح تعمل انفصام للمشاهدين"

منال ابو جبارة برأيها" انا بحكي خلينا مع فريق الوحدات والفيصلي وندبح بعض ومنتصالح ومنحل مشلكنا ؟ ليش دخلو الغريب بينا 😂ترا معروفة النتيجه من هسهه"

ونختمها مع تعليق أحمد العرابي" الشغله الجد طلعت كنت مفكر الاتحاد بمزح معنا 😅😅😅"

كان هذا أبرز ما تداوله وتفاعل معه رواد مواقع التواصل الاجتماعي اليوم.

Radio Al-Balad 92.5 راديو البلد · مواجهة منتخب النشامى مع اسبانيا حديث الشارع الاردني