![](/sites/default/files/styles/scale_height_200px/public/2022-04/278838625_5168990813136640_6534684844117569883_n-Recovered-Recovered_0.png?h=9337c027&itok=qUhgUKp1)
بيان عالوجع!!
![بيان عالوجع!! بيان عالوجع!!](/sites/default/files/styles/news_landing/public/2019-05/1289080465saleh-arabyat.jpg?itok=xeFwVjyL)
اخي المواطن .. اختي المواطنة.
اقدم لكم بياني الانتخابي متمنيا ان ينال اعجابكم .. وانا على يقين بأن ما ورد فيه هو مجرد كلام بكلام لكن , دخيل عليكو .. لا تستخدموه ورق للساندويش !!
المرأة: انت في موسم الانتخابات نصف المجتمع وحقوقك محفوظة وبعد الانتخابات .. بنتفاهم!!
الشباب: اللي بنقدر منكم ندزه بوظيفة مياومة بندزه .. وهذا وعد!!
الصحة: اكثر من اعفاء طبي ... شو بدك?!!
الزراعة: مشكلة البندورة .. سنحاول جاهدين الا تنتقل للكوسا!
التعليم: ناجح التوجيهي .. وخريج الجامعة .. بنقطه !!
الموازنة العامة: ادمنا على (الضرائب) .. لذلك: بطلت تفرق?!
القوانين المؤقتة: ولا بدها اشي .. برفعة ايد .. سنجعلها دائمة.
الهم الاقتصادي: بتوافر من اربع لخمس اجهزة خلوية في البيت الاردني .. نكون بأمس الحاجة لدقائق مجانية!!
البيئة: ما دام الهواء ما زال مجانيا .. لا يحق لنا المطالبة بنقائه!
الحكومة: كل رئيس بنعطيه الثقة اولا .. وبعدها بنشوفه !
البعد القومي: احلامنا العربية جميلة .. لا نريدها أن تتحول: لكوابيس .. واحنا نايمين بالجلسة!!
هذا هو بياني الانتخابي ... انتخبتوني ولا عمركوا مانتخبتوني .. هاظ اللي موجود!!
span style=color: #ff0000;العرب اليوم/span