شهدت أسواق القهوة العالمية ارتفاعًا ملحوظًا في الأسعار خلال الأشهر الأخيرة، مدفوعة بعدد من العوامل الرئيسية تشمل تراجع المخزونات، وصعوبة الأحوال الجوية في المناطق الرئيسية لإنتاج القهوة، مثل البرازيل وفيتنام.

و لقي هذا الخبر تفاعلا كبيرا على مواقع التواصل الإجتماعي …

حيث علقت فادية: مهو طبعا لازم يكون مربح التاجر 1000% غير هيك بصير اسمه مخسر، كأنه غلاء المعيشة صار عليهم لحالهم

و أضافت ختام : والله ما ضل شي ما رفعتوه، بعد ما رفعو الحد الأدنى للأجور رفعو كلشي، الله المستعان على هالبلد

و قالت تالا : مش فارقة، بنضل نجيبها ما منعيش بلاها

و علقت منار : عادي سهلة، قاطعو المحلات، بس احنا شعب كل ما ارتفعت المواد، كل ما زاد الشعب استهلاك، اللي خلاكم تقاطعوا الأكل بخليكم تقاطعوا ارتفاع الأسعار

و أضاف أكرم : خلص بلا منها، لو الشعب بفهم يقاطعها فترة ما رح يموت إذا ما شرب قهوة و خليهم يكدسوها بالمستودعات، لكن احنا شعب منستاهل لأنه ما عندنا ثقافة المقاطعة، قاطعنا بضائع اسرائيل و مش قادرين نقاطع بضائع تجارنا

و قالت رؤى : لاحقين الشعب حتى على فنجان القهوة؟ الشي الوحيد اللي بروق الناس الصبح و ببسطها

و بين رئيس غرفتي تجارة الأردن و عمّان، خليل الحاج توفيق، أن القهوة لم ترتفع كما يُشاع بنسبة 50-90%.. والارتفاع إن حصل سيكون معقولا وليس في المحلات كافة.

كان هذا أبرز ما تداوله رواد مواقع التواصل الإجتماعي لهذا اليوم، في أمان الله …