تفاعل واسع بين رواد مواقع التواصل بعد أن رفعت الحكومة سعر البنزين بنوعيه قرشا واحدا وثبتت سعر الديزل للشهر المقبل و الكاز حتى نهاية الشتاء 

نبدأ مع برهم يقول بس يرتفع البنزين عالميا برفعوه عنا وبس ينزل بحكولك اسعاره ثابتة ما شاء الله على هيك حكومات

ماهر يقول ‏تعديل ⁦‪اسعار‬⁩ ⁦‪المشتقات‬⁩ ⁦‪النفطية‬⁩ من قبل الحكومة حسب حركة الاسعار العالمية يجب ان يتوقف وعلى الحكومة الخروج من هذه المعادلة وتحرير قطاع الطاقة بالكامل وألابقاء على التنظيم والرقابه وهذا سيقود الى انخفاض الاسعار ورفع جودة ⁦‪المشتقات‬⁩ ….!!!

علق إياد بلا تحمل كلفة بلا حكي فاضي ، ما احنا مندفع ضريبتو مدوبل ، يعني كيف ما كان الحكومة ربحانة بس شكلهم ما بدهم يتنازلو عن نسبة هامش الربح تبعهم

مؤمن أضاف بتتخوثوا انتوا مهي الحكومة طلعت دعاية انها رفعة قويه اجت الرفعة قرش كيفوا المواطنين عشان بعدين بس ترفع زي ما توقع المواطن يسكت المواطن ويقولك اه مهو حكوها من زمان

أنس أبو سامي أضاف، على أساس انه مش غالي اصلا ومطلعين سعره أضعاف مضاعفة

طول السنين وهو سعره بالعالي وما زال

نزار الدرابسة علق هو لوفي ناس واعيه وصاحيه ماحدا بشغل سيارته ويعبي محروقات بس ثلاث ايام بس لاحياه لامن تنادي

وختاماً مع زيد الذي يقول المشكلة انها رفعة عالمية طالت جميع الدول … لكن حكومتنا الحمدلله لما كان البنزين رخيص كانت رافعة سعره للسما … الان ارتفع عالميا… رح يحكولكم احنا ما دخلنا

كانت هذه مجموعة من تعليقات رواد مواقع التواصل الاجتماعي حول اسعار المحروقات

radio albalad · كيف تفاعل رواد مواقع التواصل مع ارتفاع اسعار البنزين بنوعيه قرشا واحدا وثبتت سعر الديزل و الكاز