مع ازدياد التوتر في القدس من الانباء عن نقل السفارة الامريكية الى القدس ، وتاثير ذلك على المدينة واهلها من اجراءات اسرائيلية متوقعة وغير متوقعة ، في هذا الوقت بالذات خرجت روح التندر والدعابة لدى البعض ، تلك الدعابة تمكن من رسم الابتسامة على وجوه المقدسيين التعبة المرهقة   وعلى محيا كل من قرا ما نشر عبر صفحات شبكات التواصل الاجتماعي من فيسبوك ووتس اب وغيرها،

 هذه الدعابة امتزجت بالالم والاستهزاء من الحياة التي يعيشها المقدسي ، الذي يعانى من كل شئ ابتداء من لقمة العيش والبطالة وفساد المؤسسات  وصولا الى المسكن الكريم المفقود لدى غالبية سكان القدس.

 ونحن في “ اخبار البلد “ ننشر حرفيا ما نشر بالاخطاء اللغوية والاملائية ، على امل ان تجد اذانا صاغية لدى من يجب ان تصل اليه ، فبعد الابتسامة يأتي دور العمل ، ان كانت هناك نية

 فشكرالصاحب هذه اللفته الباسمة .

السبب الحقيقي لتأجيل نقل السفارة الأمريكية الى القدس:

السفير الامريكي بالقدس: مستر ترمب، قلبنا الدنيا على محل بالقدس ننقل السفارة ما لقينا! الشقة العظم بشعفاط وصلت 400 الف دولار! غير الارنونا، وفش صفات للسيارات!

ترمب: طب بلاش شعفاط، شوف بمحل تاني!

السفير- بيت حنينا وبيت صفافا كمان هيك الاسعار، وبسلوان بحرقولنا اياها، والعيسوية طريقها مسكرة!

ترمب: شفتوا بالشيخ جراح؟

السفير: كلها اجانب  والاسعار نار! بدك اربع خمس الاف دولار لتستأجر غرفة.. هادا غير الازمات.

ترمب: طب والحل، لازم ننقل!

السفير: اذا بدك شفت موقع منيح بالعيزرية، ومنها بنصير نشتري خضرة ولحمة من هناك واحنا مروحين.

ترمب: ولك العيزرية ضفة، بسحبوا منك الجرين كارد، ما بزبط!

 السفير: طب ما عندك غير حل واحد، رخيص وقدس وفيه ارنونا.. كفر عقب!

ترمب: كفر عقب!! ولك مين حطك سفير انت؟!! احنا بدنا نثبت موقف سياسي مش نقدم لم شمل يا اهبل!!

السفير: معك حق مستر ترمب.. طب والحل؟

ترمب: خلص أجلها الفترة هاي.. خلينا نحوش كمان شوي وبلكي اخدنا فوقهم قرض من بنك القاهرة عمان.. شو البلد هاي!! الله يعينكم ع هيك عيشة!!