بعد إعلان وزارة المياه والري عن رفعها التدريجي لتعرفة المياه خلال السنوات القادمة مع تأكيدها لعدم رفعها لهذا العام 

هذا الحدث أثار غضب وتفاعل بين رواد مواقع التواصل 

نبدأها مع سليم سلطي يقول "يا عيني عليكم قرار في منتهى الروعه شدو الهمه شوي وخلي الرفع مع الفاتوره القادمه شو وراكم اشتغله"

عادل أبو رمية 

"لا مي ولا كهربا، عندي نصيحة للحكومة بتلم من وراها مصاري بلاوي؛ تركب عداد هوا ع منخار كل مواطن بيحسب عدد سحبات النفس اللي بتنفسة وآخر الشهر بتصدر فاتورة يتم تسديدها فورا والا يتم كتم نفسه وحجب الخدمة، يتم تركيب هذا العداد ع باب غرفة الولادة بكل المستشفيات ويعاد للحكومة ع باب المقبرة بعد ابراز براءة ذمة بتسديد كافة المبالغ...وهيك بنكون خلصنا من قصة المي والكهربا مرة واحدة وللأبد...صح؟!"

أحمد الجعبري "لهيك اغلب الشعب صار يسرق مي وكهربا ...والي بنط وبحكيلك حرام ...احكيله والي بتعمله حكومتنا الرشيده حلااال ولااا حرام"

محمد حمدان "مش مشكله بنرجع نعبي مي من العين عالحمير

يعني بدل ما نتقدم سنه بنرجع عشره"

محمد عياصرة "طيب حسن الخدمات اول بعدين فكر برفع لا حول ولا قوة الا بالله" 

حسن النوايسة " يا زلمه في عندي اقتراح حطوا ضريبه عاللي بيمشي في الشارع يعني اذا مشيت انا اليوم في الشارع خذوا مني دينار واذا قعدت في الدار خذوا نص ليره من الطبع الجديده "

حسام أبو حسن "توصيات بنك النكبه الدولي ومسؤولينا بهزو بروسهم وبطبقو معظم بلدان العالم مافيها ثمن للمياه والكهرباء شبه مجانيه ما بعرف شو كمان رح تبيعونا حسبي الله ونعم الوكيل فيكو"

كان هذا أبرز ما تفاعل معه رواد مواقع التواصل لهذا اليوم

Radio Al-Balad 92.5 راديو البلد · رفع تعرفة المياه للسنوات القادمة تثير غضب رواد مواقع التواصل