بعد صدور تقرير جديد لمنظمة الصحة العالمية، أكد على أن معدلات تعاطي التبغ تشهد ارتفاعاً في 6 دول في العالم بينها الأردن، حيث تم تصنيف الأردن كأكثر دولة في تعاطي التبغ في منطقة شرق البحر الأبيض المتوسط بنسبة 36.3%.

لقي ذلك الخبر تفاعلا كبيرا على مواقع التواصل الاجتماعي.

فعلق أحمد الخطيب: وبيجي واحد بحكيلك الوضع صعب والراتب ما يكفي.

وقالت آية: الاشي الوحيد يلي الشعب بتنفس فيه من كثر الضغط والالتزامات والارتفاعات بالأسعار وقلة الرواتب.

ونشر مصطفى: خلوا في رقابة على المحلات، ابن ال١٣ و١٤ بتلاقيه بدخن بالشوارع، وارفعوا سعر الدخان خلي كل باكيت بكت الميزانية لدى المدخن.

وأضاف محمد ماجد: البلد الوحيد الذي يدفع المواطن فيه على الدخان اكثر مما يدفع على الطعام والشراب.

وقالت عرين العطار: والله وأنا بالغربة ما كنت اسمع غير جملة إنتوا الأردنيين عندكم الدخان من اساسيات الحياة عندكم ياه اهم من الولد…الحمدلله شيطنا واصل لبرا.

وعلقت لانا الصالح: للأسف صحيح وما شفت نسبة مدخنات مثل هاي السنة من النساء وبأعمار صغيرة.

وأضاف حازم خصاونة: صراحة وبعد تجربة الحمدلله تركت الدخان من شهرين وما عانيت أو حسيت بأي أعراض انسحابية وغيره، وبنصح الناس تزور مراكز الاقلاع عن التدخين وبعطوك أدوية مجانا، صدقا برجعك لمرحلة بتشوف الدخان قدامك بس ما بتشتهيه.

كان هذا أبرز ما تداوله رواد مواقع التواصل الاجتماعي لهذا اليوم.