تفاعل رواد مواقع التواصل الاجتماعي مع رفع أمريكا مساعدات للأردن بإرسال ميزانية مقترحة للسنة المالية المقبلة 2023، تتضمن تخصيص 1.45 مليار دولار للأردن.

كتبت هنية الحياري: هاي المساعدات بنشوفش منها اشي ولا حتى بحسنو منها وضع البلد بالعكس الاسعار بتزيد وحياتنا يلا قادرين عليها

عبد الله الخرابشة قال: حسنو البنية التحتية ولا حسنو التعليم عنا والله مليون اشي بده تحسين بالبلد بس بنرجع نقول يلا بضل وضع بلدنا اهون من الي حوالينا رغم كل شيء

وتفاعلت نور وليد: جد المبلغ بوصلنا وبدخل ميزانية الدولة وبصيرش اي تغيير ولا بس اخبار؟ لانو المبلغ مش سهل يعني

وفي موضوع اخر كان التفاعل مع تصريح رئيس الوزراء، بالبدء بعكس أسعار البترول عالميا على أسعار المشتقات النفطية تدريجيا اعتبارا من نهاية شهر نيسان الحالي.

لؤي الجبارات قال: بلش اللعب ثبتو اسعار المحروقات واجلو أقساط البنوك وبعد العيد رح يسلخو جلد الناس لانو رح يكون فيه ارتفاعات كبيره ع الاسعار وأهم اشي الأمن والأمان

واضافت ام محمد: بدهم يعكسوها حسب أسعار النفط يعني بدهم ينزلوها المفروض ليش فهمتوا يرفعوها؟

ونختمها مع رامي خليل: حدا يحكيله ان سعر البنزين في الاردن هو اعلى سعر في العالم العربي وانو بكفي رفع اسعار لانو الشعب نذبح والرواتب قليلة

كانت هذه مجموعة من تعليقات رواد مواقع التواصل الاجتماعي مع المساعدات الامريكية واسعار المشتقات النفطية

radio albalad · 1.45 مليار دولار مخصصات مقترحة من أميركا للأردن وتفاعل على شبكات التواصل