وسام قطب تريند جديد على وسائل التواصل الاجتماعي الأردني بعد فيديو قصير تناقلته صفحات التواصل تحدث فيه قطب عن اختياره سفيرا لكأس العالم الذي سيقام في قطر في الفترة القريبة القادمة.

وكان قطب قال في تسجيل الفيديو"من لاجئ ما اله مكان في العالم إلى سفير كأس العالم" تعبيرا عن فرحه وفخره بما وصل إليه.. ف وسام شاب فلسيطيني الأصل ويحمل وثيقة مصرية ولد في السعودية وجاء للأردن قبل ٥ سنوات للدراسة.

رواد مواقع التواصل الإجتماعي من فيسبوك وتوتير تفاعلوا مع الموضوع بشكل كبير ..

فمصطفى القريوتي علق"الزلمة غزاوي ولايملك رقم وطني اردني مش فاهم بشو غلط لما حكا لاجئ لانه فعلآ لاجئ واقامته بالأردن بس لوقت مايخلص جامعة ويرجعوه".

وجابر تميمي"يا لطيب البلد من مبارح الشوارع فيها فاضت وطنيه...

شتا وطنيه عنيف...وانباء عن سيول انتماء و ولاء غرقت البلد".

وإيهاب الشلول"يعني صار سفير بكاس العالم ... وكاس العالم شهر طيب وبعد الشهر 

برجع لاجئ بس هالمره جد ما رح يلاقي حد 

دايما لازم يحفظ خط الرجعة"

وخالد"شاب مكافح ....

حلمك وصل....

منها للأعلى.... ♥️♥️♥️♥️♥️"

وعبدالرزاق البرغوثي"وثيقة اللجوء مزعحيتهم   طالما انتو منزعجين اعطوه حقوق وفرصة عمل  أو يقدر يشتري بيت  لا ادفعوه حق الإقامة  اعفوه من مصاريف ورسوم الجامعة   بس الي بعلق ومساوي فيها وطني  وسام مثله مثل كل لاجئ فلسطيني في الدول عاش بمجهودة ما سرق  وما خان  ولا كان فاسد  درس وتعلم  وبدفع الي بنطلب منه وسام انسان شريف هو وكل لاجئ"

وأحمد"ليش هالعنصرية التافهة .. انت بتعرفه لوسام؟ بتعرف انه فلسطيني غزاوي 

بتعرف انه انولد بالسعودية وعاش فيها للثانوية العامة بتعرف انه نزل عالاردن بـ 2015 ودرس فيها واشتغل عحاله لصار من مشاهير السوشال ميديا بتعرف انه ما عمره غلط بالاردن 

بتعرف انه هو نايم ومبسوط ولا داري عنك شو بتحكي عنه!"

ونختمها ببشرى النشاش"وسام قطب اليوم الشب تم تعيينه (سفير لكأس العالم) وقال عن حاله لاجئ (كونه فلسطيني بالأردن ويحمل الجنسية الأردنية) انهالت عليه الشتائم أنه ناكر للجميل وخاين وباع الأردن ومن هالكلام وصار كل واحد ياكل هوا ومحسسك أنه كان معيّش وسام قطب ع حسابه .. يعني ليش لما الفلسطيني بحكي عن حاله فلسطيني بكون عنصري وخاين وناكر للجميل!! شو هالمسخرة

وسام قطب كل الدعم"

كان هذا أبرز ما تداوله رواد مواقع التواصل الإجتماعي الأردني.

Radio Al-Balad 92.5 راديو البلد · من لاجئ ما اله مكان في العالم إلى سفير .. وسام قطب يتصدر مواقع التواصل