كيف تفاعل رواد مواقع التواصل الإجتماعي مع خبر دخول الأردن موجة كورونا جديدة من نوع BA5، إذ أعلن عضو لجنة الأوبئة الدكتور بسام حجاوي عن إنه وحسب المعطيات النظرية والوبائية أن نوع ba5 متفرع من متحور أوميكرون الأصلي وهو الأكثر انتشارا والأقل شدة، وبتوقعات مؤكدة على أن الإصابات لن تصل كما الموجات السابقة من ناحية شدتها والأعراض المصاحبة لها.



الأردنيون عبر الفيسبوك تفاعلوا مع الخبر بطريقة استهزاء وسخرية كبيرة.  



فمهند العمري علق ساخرا "المره الجاي اكتبه كورونا 5G"

وفراس القور يعلق "ولا صرنا مثل السيارات كل سنه موديل واسم جديد"



وروز سلطان " أربطو الأحزمه وخزنو ربطات خبز من هسا

بلاش يصير فينا زي زمان"



وتامر الخريسات بتساؤل" هاذ الحكي قبل مهرجانات جرش و الفحيص و فيلم وادي رم ولا بعد مشان نكون عارفين بس ..  

حلو عنا مشان الله الواحد صار يكره بداية كل يوم جديد بهالبلد"



من جانب آخر تصدر وسم #طب_اليرموك تويتر الأردن بعد حملة إلكترونية أطلقها طلاب كلية الطب من جامعة اليرموك وتفاعل معها رواد المواقع، إذ أن الحملة جاءت للمطالبة بالعديد من التغييرات منها المساواة مع كليات الطب بالأردن بالمده المقررة للإمتحان "بالسيستمات" وهي أجهزة الجسم ال١٠، وإعطاء مده كافية لدراسة بقية السيستمات بعد امتحان الميدتيرم .. والغاء نظام ال one way الذي يسبب إرباكا كبيرا للطلبة خلال الحل.



رضا ياسين غرد" ‏صراحة لغاية اللحظة نفسي حدا يخبرني أي مسوّغ منطقي لنظام ال "ون وي" "



وهيثم الشلول " ‏كليتنا انجزت انجازات عظيمه بجهود عميد الكلية و دكاترتها و أخرجت أجيال متميزه، بس نظام السيستمات في اليرموك ما بتماشى مع قدرات الجامعة على أنها توفر جدول امتحانات معقول لهيك نظام، الطلاب رسبت و المعدلات نزلت، لهيك بدنا نظام منطقي يتوافق مع الي عنا"



وآخرها سليمان أبوحجايا كتب " ‏تريند أول بالاردن ولغاية هاللحظة ما في أي رد او تصريح من قبل الكلية !

عرفتوا ليش طلعنا نطالب ع السوشيال ميديا ؟ لانه ما حدا شايلنا من أرضنا ومصلحة الطالب أخر همهم "



كان هذا أبرز ما تداوله رواد مواقع التواصل الإجتماعي من دخول الأردن موجة جديدة لكورونا و تريند طب اليرموك.

Radio Al-Balad 92.5 راديو البلد · كيف تفاعل رواد مواقع التواصل الاجتماعي مع دخول الأردن في موجة كورونا جديدة؟