تفاعل نشطاء السوشال ميديا مع تصريح سلطة وادي الأردن أن نسبة تخزين مياه الشرب في سدود وادي الأردن تكاد تكون معدومة

رهف عبد الله تتساءل: طيب مية الشتا وين راحت معقول كل هالشتا وما تخزن اشي معقول صرنا مخلصين السدود

ويقول جمال الكندي: سبحان الله الشتاء كان موسم ممتاز والكل من المختصين قالوا موسم مطري جيد وشتت ٩٠ مليون م مكعب لكن ليه ما عملتم على سدود اكثر او توسعة السدود ولازم كان السنه الماضية درس للمسؤولين على أن نأخذ بعين الاعتبار ان يعملوا جاهدين قبل الموسم الشتوي التوسع او عمل سدود جديده

أما الحسن علق: ليش ما في تحليه من العقبة وتخلص المشكلة الأبدية في الأردن !!

وفي موضوع اخر كان التفاعل مع منع سلطات الاحتلال الأسير الأردني المحرر أسيد أبو خضير من العودة إلى الأردن عصر يوم أمس، بعد 6 سنوات أمضاها في سجون الاحتلال

علقت روزان سلام: وين الحكومة ووين الخارجية عن هيك اشي؟؟هسا بنطلع بنستنكر وبنسكر عالموضوع ولا كإنه اشي صاير

واضاف مازن ابو رواع: شووو بدو يجيبو هون على الغلا والجوع والبطالة والفقر ووضع البلد تعبان والمسؤولين ما حدا متطلع علينا لسا خليك هناك احسنلك

ونختمها مع موسى: قاعد بتخيل لو انه واحد من اسرائيل عنا وحكومتنا مانعيتو يطلع ويروح ويجي وكان اسير عنا شو حيكون موقف اسرائيل !! ابدا مش زي موقفنا بس ساكتين ومكملين

كان رجعوه بنفس الدقيقة

كانت هذه مجموعة من تعليقات رواد مواقع التواصل الاجتماعي مع الوضع المائي في الاردن والاسير المحرر اسيد ابو خضير.

Radio Al-Balad 92.5 راديو البلد · تفاعل على مواقع التواصل بعد منع سلطات الاحتلال الاسير الاردني ابو خضير من العودة الى الاردن