04/20/2022 - 14:07

تفاعل رواد مواقع التواصل الاجتماعي مع وسم نورتنا برجعتك سيدنا بعد إجراء الملك لعملية جراحية في المانيا ووصول الملك إلى الأردن أمس

كتب محمد العدوان:الحمد لله على سلامتك وبنتمنى تنظر بموضوع القطاع الصحي ونحسن من وضعو بالأردن لحتى لا سمح الله ما تحتاج تعمل عملية خارج البلد

وتفاعلت بتول:اخيرا رجع بعتقد راح يصير في شوية تغيير على وضع فلسطين هسا عشان الوصاية الهاشمية يعني

اما وفاء جمال:نورت عمان وان شاء الله بتكون هاي اخر عملية الله يحفظك ويطور موضوع القطاع الصحي والاطباء يلي عنا

وفي موضوع آخر كان التفاعل مع تصاعد الأحداث الفلسطينية التي بدأت باقتحامات ثم اشتباكات واعتقالات للمقدسيين وصولاً إلى هجمات صاروخية على قطاع غزة تحت هاشتاج غزة تحت القصف.

علق سيف الجبارات:بلشو قصف بغزة يعني راح يصير في شهداء أطفال ونساء وغيرو وهمه لا الهم ولا عليهم ولا دخلهم حتى وبعدنا بنحكي عن حقوق الطفل وحقوق الانسان؟

الشعب هاد مسلوب منه جميع حقوقه

وأضافت سارة الراعي:فوق ما غزة محاصرة والي بده يدخلها او يطلعها بده يتمرمط برمو عليهم صواريخ!!

وين الحكام بالله؟لسا بدينو وبستنكروا؟

اصبرو ليصير في عشرات الشهدا من غزة واطلعو ثاني مرة استنكروا

ونختمها مع عبد الرحمن:غزة صامدة مش من هسا من سنوات

ولا يمكن الاحتلال يدخل غزة ويقدر عليها

احتلال جبان وموقف العرب من فلسطين جداً مؤذي ومحزن انه ما حدا متحرك.

كانت هذه مجموعة من تعليقات رواد مواقع التواصل الاجتماعي مع عودة الملك للأردن وهاشتاج غزة تحت القصف