تفاعل نشطاء السوشال ميديا مع فعاليات احتفالية بمحافظة اربد عقب اختيارها عاصمة للثقافة العربية من قبل منظمة الأمم المتحدة للثقافة والعلوم اليونسكو للعام 2022

كتـب علي ابو سما: لأ مش بس في اربد، بس تخيلي مدينة يتم تسميتها عاصمة الثقافة العربية وتيجي تمشي بشوارعها كثير فيها زبالة؟، وين المنطق بهذا الكلام؟. هذا رأيي وأكيد ما بقصد أي اساءة

وغردت مجد السلوان: الموضوع محزن صراحة لا تنظيم وساحات وسخة ونص الناس واقفة يعني اداوة الحفل فاشلة بالمعنى الحرفي يا خسارة هيك مناسبة بهيك تنظيم

وعلق عبد الله الحجاج: طيب في المقابل وين المشاريع والانجازات التي تتحدثون عنها لنحتفل بها معكم وننتقل الى مستقبل أفضل بدنا انجازات بدنا تطور بالبلد بدل الحكي وبس زبطو شوارع اربد عالاقل وفرو فرص عمل لشبابها بدل ما بطلعو لعمان يدورو شغل

وفي موضوع آخر كان التفاعل مـع قرار وزارة الزراعة برفع سعر الحليب حيث دعا عدد من المواطنين إلى مقاطعة المنتج رفضا لرفع سعره وما قد يترتب عليه ذلك من ارتفاع أسعار منتجات أخرى

سيدار قالت: ارفعوا زي ما بدكم نحن شعب مسالم

يكفي الأمن والأمان والرخاء والسخاء والازدهار والاستقرار

الحمدلله رب العالمين على كل نعمه

منار وصفي علقت: ارتفاع أسعار اغلب السلع والحد الأدنى للأجور لسا ثابت!! قمة المهزلة والله ما أقول غير الله يعين الناس بس

ونختمها مـع عاصي العموش: برضو راح نقاطع لو بتوصل فينا نقاطع كل شيء يعني الي نازل رفع بهالاسعار زي كإنه بقلك هاجرو واطلعو برا البلد! ارفعو رواتبنا مشان الله وارفعو السلع بعدها.

كانت هذه مجموعة من تعليقات رواد مواقع التواصل الاجتماعي مع اربد عاصمة الثقافة ورفع سعر الحليب.

Radio Al-Balad 92.5 راديو البلد · الحكومة توافق على رفع سعر الحليب ... ودعوات للمقاطعة على مواقع التواصل