بدأت اليوم الاحتفالات الرسمية بمناسبة زفاف الأمير الحسين ولي العهد على مدى يومين.

وفي هذه المناسبة اعدت العديد من البرامج جميعها للاستعداد إلى الحفل حيث تزينت عمان بالورود على جوانب الطرق وإضافة الأعلام الأعلام الأردنية في شوارع عمان 

وبهذه المناسبة يقيم الملك عبدالله الثاني مأدبة عشاء يحضرها ما يزيد عن 4 آلاف مدعو من أبناء المجتمع الأردني.

وبدأ وصول ضيوف الأردن لحضور احتفالات التي يحضرها قادة دول وأولياء عهد وشخصيات من دول شقيقة وصديقة.

وتشهد محافظات المملكة العديد من الفعاليات احتفاء بمناسبة الزفاف 

هذا الحدث تصدر مواقع التواصل ب زخم كبير من التهاني والتبريكات بهذه المناسبة 

نبدأها مع غدير صلاحات تقول والله الفرح الحلو الله يديم علينا الافراح عامرة بالأردن يا رب ويحمي هالبلد 

وأمل الأصفر نيالهم الله يهنيهم مبارك ،،،، انا يوم عرسي سكروا بس شارع الجامعه والنفق😬😬

وعبد الله رباح على نهج العادات والتقاليد الأردنية الأصيلة مضارب الهاشميين تتهيأ لاستقبال 4 آلاف أردني في "قرا" ولي العهد

إيمن دروزة يقول مش لو تكون الزفة بطيارات حمرا احسن و اتخلوا البلد ماشية مش ناقصنا تسكيرات و عطل الواحد عايش يوم بيوم.

وريماس علقت التمام عخير ..ولعيون الحسبن بنحول كل الطرق😍

وميس الأمين منيح الي صار هنا عرس. ونشوف شوية ورد

و أم زيد احلى عجقه رح تكون

مرفت العطيات بصير بعد العرس اخذ الورد وخاصه لمعلق

وحنان صبح يا ريتك يا أمانة عمان  دائمًا تزيني البلد وتخليها حلوه عشان نشعر براحه نفسيه ببلدنا

ريم كرشة ياريت كل يوم العرس مشان يضل الشارع كل يوم هيك

رانيا الشياب يا سلام ما شاء الله اشي بفتح النفس 😍ياريت بعد ما يخلص العرس ما يموت الورد والزهر من قلت الاهتمام 🥺

Radio Al-Balad 92.5 راديو البلد · حفل زفاف الأمير الحسين حديث مواقع التواصل