زواج الأمير الحسين حديث مواقع التواصل إذ أعلن الديوان الملكي عن أن عقد القران سيقام في قصر زهران وسيتم بعدها التوجه إلى قصر الحسينية لحفل استقبال وعشاء

و بعد إعلان الحكومة عن عطلة رسمية بمناسبة زواج الأمير الحسين في الأول من حزيران وانتهاء دوام 31 من آيار عند الساعة الواحدة لقى هذا الحدث تفاعل واسع بين رواد مواقع التواصل

نبدأها مع أحمد القواسمي يقول ولي العهد تزوج

والخميس اللي قبله كمان عطلة عشان الاستقلال

فجات هدف

عبد الكريم حفار يا رب موكب عرس الامير حسين يمر من الزرقاء بلكي زفتولنا الشوارع

ام رعد الشلول بحكو عرس الأمير حسين راح يكون عطله وبصادف يوم الخميس اول شهر ٦ وانا من عندي معطل اولادي من يوم الاربعاء

حلا خريسات شو بدنا نلبس على عرس الامير حسين حاسة حالي محتارة

صبايا شو بدكم تلبسوا؟!🌝

أم عون تقول حسستوني انه الشعب كله رايح عالعرس يعني فهمنا يوم العرس عطلة

طيب ليش نروح بدري قبل بيوم يعني عشان نجهز اواعينا للعرس 😂😂😂

محمد وشاح القطاع الخاص مش معزوم على العرس ألف مبارك ان شاء الله شو بالنسبه النا سمو الأمير

اسماعيل الدراوشة علق بلكن بهالمناسبه السعيده يصرفوا ١٠٠ دينار لكافة الشعب

وفاء الرشدان تقول الف مبروك بدنا عفو عام بالمناسبه السعيدة فرحو الشعب الاردني كله معكم

وسام العبسي العطلة مشان تنزلوا على العقبة ووادي رم أو تناموا بالبيوت، المهم تفضوا الشوارع ... واعتبروها هي الحلوان 😅

كان هذا أبرز ما تداوله وتفاعل معه رواد مواقع التواصل لهذا اليوم

Radio Al-Balad 92.5 راديو البلد · حفل زفاف الأمير الحسين حديث مواقع التواصل