توجه لفرض عمولة على خدمة كليك تثير تفاعل على منصات مواقع التواصل .. استمع

بعد توجه لفرض عمولة على خدمات “CliQ” في الأردن، حيث صرحت الرئيس التنفيذي للشركة الأردنية لأنظمة الدفع والتقاص "جوباك" مها البهو "لرؤيا" بأن العمولة ستكون رمزية وجاءت نتيجة للتكاليف التي تتحملها البنوك بدل الخدمة.

لقي ذلك الخبر تفاعلا بين رواد مواقع التواصل الاجتماعي. 

فعلقت لانا: بمجرد ما يصير عليها عمولة رح أوقف استخدامها، استغلال بكل اشي مش هيك.

وقال سند العمري: والله احنا ما بلبقلنا اشي، أي اشي بفيد الشعب وبسهل عليهم بدكم تخربوه.

ونشر قيس: ولا بتتركوا شغلة بحالها، كل دول العالم بتشجع التطور وكل شي إلكتروني إلا احنا، بس تشوفوا الشعب ارتاح لشغلة بتبلشوا فيها.

وأضاف خالد: خبر مزعج، في كل محاولة للتطور وخدمة الناس والتسهيل عليهم نقتل هذا الإبداع بضرائب أو عمولات تافهة أو نخترع طريقة لوضع العقبات لمنع هذا التطور للأسف.

وعلقت روان: ايوه بالزبط هيك صح أصلا استغربت انه في اشي ببلاش في الأردن، رح نلغيها خلص. 

وقال حسين نجار: كان واضح من البداية أنها تجربة مجانية ،، لأنه مافي اشي أبدا مجانا ،، البنوك كانت مستفيدة من الحركات المالية وتداول العملة لكن للأسف (احنا أغلى ما يملكون) 

كان هذا أبرز ما تداوله رواد مواقع التواصل الاجتماعي لهذا اليوم.

أضف تعليقك