انتشر أمس مقطع فيديو للبنانية في بوليفارد عمان سألت فيه الأردنيين إنتوا كيف عايشين؟بسبب غلاء الأسعار فيه، 

وتفاعل رواد مواقع التواصل الإجتماعي مع هذا المقطع ف

مي عدايلة أجابت "عايشين بندعم وبنصرف على الحكومه والله لولانا ولا زمان هجوا من البلد"

وخالد القضاة "عايشين على اسواق الخماخم ، وين ما فيه عروض منتهية الصلاحية بنركض عليها".

ويوسف الملحم"سهله : احنا ما بنعطس ?" 

وأنس"احنا شعب  عايش على القروض  وعلى صندوق المرأه  اذا الخبز دين عند الحلاق دفتر دين   العمليه الحسابية المعقدة لدينا انك  آخر الشهر الشعب كلوا ظابط صرف يستلم الراتب ويسلمها الى  المحلات والله لو يبيعك الجره  ١٠ دنانير دين ما تفرك معه???"

وإبراهيم زغير"من هون شوي ومن هون مع صحن حمص واربع فلافل وصحن من جاره وصحن من عندنا وقرض مراه وقرض بنك ماشى حال تلزيق"

وعهد الشرمان "احنا بنطلع كلنا بافانتي ونتقاسم الاجره وما بنوكل اشي بس بنتفرج وقهوتنا تكون معنا كاسه بنص ليره ومكسرات من عند الشعب كل واحد عليه نص ليره واحلا درجات بنقعد✍️"

وإيمان الحجاوي"عايشين  ? بس ما بنروح على البوليفارد".

وأحمد خليل "خبروها اننا مابنعرف البوليفارد ولا شفناها ولا ناويين نشوفها تعالي عالسلط كلي منسف و  رشوف وعدس احسنلك"

وأم عبد "احنا  بنتسوق من سوق الجمعة ، أما البليفارد هذا بس نسمع عنه وعايشين على عروض الفول الخمسه بليره وينصرف على الحكومه اذا مش عارفه"

ونختمها بثائر العزام "احنا بالاردن مش عايشين هي محاولات للبقاء على قيد الحياة. عمان هاي بjordan  بتختلف كثير عن الاردن".

كان هذا أبرز ما تداوله رواد مواقع التواصل الإجتماعي الأردني.

Radio Al-Balad 92.5 راديو البلد · تفاعل كبير مع فتاه لبنانية تسأل الاردنيين "انتوا كيف عايشيين " بسبب غلاء الاسعار