بعد أن أكدت هيئة تنظيم قطاع الطاقة، تطبيق التعرفة الكهربائية المرتبطة بالزمن في بداية شهر تموز المقبل على بعض القطاعات، حيث ستطبق على عدادات شحن المركبات، وقطاعات شحن المركبات الكهربائية، الاتصالات، الصناعات المتوسطة، والاستخراجية، ولن تطبق على القطاع المنزلي في المرحلة الأولى، لكنها ستشمله في مراحل لاحقة.

لقي ذلك الخبر تفاعلا كبيرا على مواقع التواصل الاجتماعي

فعلق معن العداسي: هذا الأسلوب مطلي بالعديد من الدول 
و هي ربط سعر الكهرباء بأوقات الذروة
مثلتً أوقات الذروة تكون مرتفعة
و أوقات خارج  الذروة تكون ارخص و ممكن ان تصل ببلاش (هذا مستحيل ان تعمله دولتنا )
لأنه يوجد توليد و لكن لا يوجد استهلاك

اخيرًا هذا يتطلب عداد سمارت او مسبق الدفع

وقالت إيمان يوسف: بس يعني إذا الجماعة بصير عندهم لوود كبير ليش يحاربوا الي بركب خلايا شمسية و يدفعوه   فرق جهد و غير أنهم إذا اخذوا منه ما برصدوله اياه و لا حتى بعوضوا من سعرها يا أخي إذا عندك ضغط شجع الناس تعمل خلايا شمسية و فكنا منك

ونشر  محمد أنور عويس: احنا مشكلتنا بهالبلد بحاولوا يتبعوا حلول من دول العالم الأول على بنية تحتية من عالم ما قبل الطوفان 
قيس على ذلك تقريبا كل الأفكار والمشاريع الي بالبلد لهيك مش زابطة معنا الفكرة

وأضاف أمين: يعني نصير نغسل و نتحمم  و نكوي على ال ٤ الصبح ولما يصير كل الناس تعمل هيك ، بتصير ذروة عادي

وعلق شادي أبو زيد: الكارثه انو عنا فائض كهرباء كثير
طيب ليش هالقرار 🤔
واضحه مابدها حكي 🤦‍♂️

وقال مازن ربابعة: اتوقع هذا النظام لازمه عدادات كهرباء جديدة تستطيع ربط الاستهلاك بالوقت.
و ياترى رح تكون على حساب مين سواء بطريقه مباشرة او غير مباشرة ؟!!.

كان هذا أبرز ما تداوله رواد مواقع التواصل الاجتماعي لهذا اليوم.