04/26/2022 - 13:53

الرابط المختصر

تفاعل رواد مواقع التواصل الاجتماعي مع قرار مجلس النواب بفرض عقوبة "الحبس لمدة لا تتجاوز 6 أشهر وغرامة لا تزيد على 100 دينار أو بإحدى هاتين العقوبتين" على كل من يحاول الانتحار في مكان عام في الأردن

كتبت دارين إياد: عالجوا المشكله مش تحطوا عقوبات

الله يكون بعون الناس من الضغط بتفكر بالانتحار

وعلق فاضل عبد الله: بدل ان تفكر الحكومة بعلاج لهذه الحالات تضع عقوبات

الي واصل لمرحلة محاولة الانتحار مش سائل بأي عقوبة

لا حول ولا قوة الا بالله العلي العظيم

الشعب يعاني

أما بيلسان:منيح والله بلكفي خف موضوع الانتخار بالبلد لانه بآخر فترة زايد عنا

على امل انه نخفف كمان من الاسباب المؤدية للانتحار

وتفاعل عامر محمد: نفسي افهم احنا ليش ما بندرس المشكلة واسبابها

وليش الناس بتعمل ه الفعل الشنيع وكيف ممكن تنحل من الاساس يعني الي مش خايف ع حاله ولا عقوبة رب العالمين رح يخاف من الغرامة

واضاف اسماعيل ياسين: هو لو معه 100 دينار بيفكر ينتحر.

ما بنحاول نلاقي حلول لسبب المشكلة ونساعد. بس بنحاول حتى بهيك حالات نفرض غرامات وعقوبات.

استغفر الله بس

ونختمها مع سمية:فش اشي ببرر الانتحار وبلكي هالقرار كان نوعا ما ردع قليل للمقبلين عالانتحار مع انه لازم نواجه اسباب المشكلة ولكن مش غلط نحاول بالعقوبة لانه كل يوم بنشوف واحد ناط ع جسر عبدون

كانت هذه مجموعة من تعليقات رواد مواقع التواصل الاجتماعي مع فرض عقوبة على الانتحار.