03/31/2022 - 14:46

الرابط المختصر

تفاعل رواد مواقع التواصل الاجتماعي مع إعلان وزير الأوقاف محمد الخلايلة: أن صلاة التراويح في رمضان ستكون 20 ركعة في جميع مساجد المملكة

كتب جواد: غريب امر هالحكومة.. وزارة الاوقاف اليوم بتصرح انه صلاة التراويح ٢٠ ركعة وهي قبل مبارح رجعت الصلاة بدون تباعد!

بدنا نصلي عن السنتين الماضيات اللي ما كان فيهم تراويح جماعة يعني؟

وعلق يوسف الحاج:حتى في الصلاة ؟؟ زودتوها ؟؟!!

يا جماعة الخير كثير من الناس صحتها ما بتساعدها على ٢٠ ركعة .. وغير قادرة على الوقوف لمدة طويلة

واحنا تعودنا دايماً في رمضان على ال ٨ ركعات

هيك راح يروح منا اجر قيام ليلة لاننا ما راح نبقى مع الامام حتى يفرغ من صلاته..

حسبنا الله ونعم الوكيل بهيك قرارات ...

أما أسيل الغروز:يلا اجر بزيادة يعني لو زادت عدد الركعات مهو كلو بصالحنا وحسنات النا مش فاهمة ليش زعلانين

وتفاعل زيدون مساعدة: فرض طريقة اداء السنة على الناس هو ظلم و اثم .

السنة الاصل بها ان تكون سهلة على الجميع .

واضاف طارق عيسى: اول مرة بحس وزارة الأوقاف الاردنية بتخاف الله عن جد و عندها وازع ديني

اول قرار صح

ونختمها مع راما رصرص:اجمل ايام هي ايام رمضان والصلاة برمضان ولكن لا يجوز تحديد عدد الركعات لوجود كبار بالسن بالصلاة..

كانت هذه مجموعة من تعليقات رواد مواقع التواصل الاجتماعي مع عدد ركعات صلاة التراويح.