القدس ومقدساتها وفلسطين تعود إلى الواجهة مع تصاعد التوتر في المسجد الأقصى واعتقالات مستمرة بشكل وحشي ضد المقدسيين واستشهاد سيدة  تعرضت لإطلاق النار من قبل الإحتلال الإسرائيلي.



كتب أمجد طبيشات:ماشية بالشارع عادي بصوبو السلاح عليها وبطخو فابتستشهد!!!

هاد هو الاحتلال الي بحاول يبين صورتو حلوة قدام الاعلام؟افضحو جرائم الاحتلال هاي جريمة بشعة جداً



وعلقت ميسون خريسات:كل رمضان لازم الاحتلال يسمو بدن هالشعب وين العالم يشوف شو بعاني الشعب الفلسطيني وما حدا بدرى

 ولعلمكم هاي امرأة  واحدة ما بين الاف النساء الي استشهدت بدون أي ذنب



أما جنات مصطفى قالت:وين حماية المدنيين؟؟

وين القانون الدولي؟ولا عند هيك فيديوهات ما بتشوفوها وما بتهتموا؟

هاي جريمة يجب ان يحاسب عنها الاحتلال





وفي سياق آخر كان التفاعل مع الشاب الفلسطيني أحمد مناصرة تحت هاشتاج نزع الطفولة والحرية لأحمد مناصرة الذي اتهم بالمشاركة بمحاولة طعن لجنود الإحتلال عندما كان يبلغ من العمر ١٣ عاماً ،وطالب نشطاء السوشال ميديا بالتحرير الفوري لأحمد بعد ست سنوات من التعذيب القاسي والممنهج في السجون الاسرائيلية





مأمون نصيرات تفاعل :المنظمات الدولية الحقوقية والإنسانية وحقوق الإنسان والأمم المتحدة وينهم عن هالقضية؟؟؟؟

هاذ شو عاش من طفولتو وهي كلها كان أسير فيها لسجون الإحتلال من يدري ما يعانيه أحمد في سجون الأسرى





أما بتول:ديرو بالكم هاد اسير واحد فقط من هالأسرى يلي سمعنا قصته وعرفنا فيها فما بالكم الأسرى الثانيين شو بعانو بالداخل؟وما حدا مهتم طبعاً



ونختمها مع ماريا نائل:دايما بنتغنى بحقوق الطفل وحقوق الانسان وبنعمل محاضرات عنهم وبنروح وبنيجي !

طب واطفال فلسطين الي استشهدو بدون ذنب

طيب الاسرى الي زي احمد؟؟

احمد لو طلع راح يضل يعاني من امراض نفسية وجسدية طول العمر





كانت هذه مجموعة من تعليقات رواد مواقع التواصل الاجتماعي مع استشهاد سيدة وهاشتاج الحرية لأحمد مناصرة.

radio albalad · اعتقالات مستمرة ضد المقدسيين واستشهاد سيدة اربعينية ابرز ما تداوله رواد مواقع التواصل