خبر استهداف تجار مخدرات في جنوب سوريا بطائرات حربية رجحت وسائل إعلام سورية أنها أردنية لقي  تفاعلا كبيرا على منصات مواقع التواصل …
| 
عمار البرماوي: الأردن عمرها ما كانت عدائيه او بلد صانعه مشاكل او فتن وانا متأكد في محاولات كثيرة من دول معينه عشان تسوي فيها زي ماعملت بسوريا والدول الي جمبها وتزعز الاستقرار الداخلي بس انتو وين قدام الأردن ورجالها

إبراهيم القادر: عقبال ما نسمع هالطائرات تشن هجمات على الداخل المحتل يا كريم عدا هيك الله يقويهم النشاااامى

رشا حازم: ما شاء الله الطيران من مبارح ما وقف لغاية اليوم ع العشره الصبح كان واضح انه فيه اشي

أم اسامة: بلاش الناس تعمل فتنه من مهاجمة الاردن ل سوريا هي فقط تقصف أوكار مهربي المخدرات جيشنا لايقتل الشعب السوري الشقيق

هديل العبادي: اكيد بضربو ع المهربين الله يقويهم 👏

براءة علي: الله يحمي جيشنا و أمنا .. الضرب كان ع أوكار المهربين للمخدرات و الاسلحه .. لانه الهم أكثر من أسبوعين ع الحدود الاردنيه السوريه بحاولوا يدخلوا الاراضي الاردنيه و جيشنا و حرس حدودنا بالمرصاد .. الشعب السوري و سوريا حبيبتنا ❤️

علا عبادي: الناس وين عايشه مهو من اسابيع والجيش الاردني بلشان بتجار المخدرات والمهربين عالحدود

أبو أحمد مزهر: الله حيهم نشامى حرس الحدود جيشنا العربي بحفظ الله ورعايته

حيث قالت وسائل إعلام سورية فجر اليوم، إن طائرات حربية شنت غارات جوية عدة استهدفت مواقع في محافظة السويداء جنوبي سوريا، في ثاني غارة من نوعها خلال أسبوع تستهدف مواقع مهربي مخدرات .
بدورها أعلنت مديرية الأمن العام اليوم عن القبض على 5 مطلوبين وتجّار للمخدرات أحدهم مصنف بالخطر خلال حملة أمنية في البادية الوسطى

ورجحت المصادر السورية أن تكون الطائرات التي شنت الغارات أردنية، فيما لم يصدر بيان رسمي من الجيش الأردني.

كان هذا أبرز ما تداوله وتفاعل معه رواد مواقع التواصل لهذا اليوم.