تفاعل رواد مواقع التواصل الاجتماعي مع قرار رئيس الوزراء بشر الخصاونة بتأخير  بدء دوام جميع الوزارات والدَّوائر الرسميَّة والمؤسَّسات والهيئات العامَّة والجامعات والمدارس إلى الساعة العاشرة من صباح اليوم الأربعاء والغد الخميس نظراً للظروف الجوية السائدة.



كتبت ميار سلامة: اكييد قرار صح وبحب احكي للبتفلسفو وبعلقو انه شو داومو وأنهم عطلو اكتر ما داومو اصلا مالازم أولادنا يداومو بهالوباء والبرد والتوقيت الغلط عفوا نحنا مش لاقين ولادنا لقيه كل يوم والتاني مرضانين ولا كانو يداومو بالتناوب والصف فيه عدد اقل وصار الدوام كل يوم والصف فيه ٤٩/٥٠ طالب او طالبه شو هالهبل هاد وفي وباء منتشر صف فيه ٤٩ طالب كلها قرارات خطأ ومافي وعي..



وعلقت سوسن البواب: احنا شعب لابعجبه عجب ولاصيام برجب، والله لو مااخروا الدوام لصارت قصة مشكلتنا مش عارفين شو بدنا المهم نعترض.





وتفاعلت سالي الزعبي: والله مابعجبنا العجب

يعني كلها يومين وبعدين بروحوا المدرسه نشيطين مو من تحت للحاف دوز للمدرسه

الله يجزيهم الخير لانه جد الاسبوع هاد كان في برد كتير

وهاي لولاد من دوام اليومين اللي مروا مريضين كيف لو داوموا بالبروده هاي





واضاف احمد حسن:لا تضلك تعطل هالولاد والمدارس والله ما داومو خلص بس زبطو المدارس وحطو صوبات فيها وداومولنا هالولاد بكفي عطل



ثائر الخليل قال: قرار ممتاز ولازم يعطلو في أطفال ما بتتحمل برد اذا لكبار مش متحملين الجو اليومين هضول كيف لصغار





ونختمها مع ام حسام: كل هالتخبيص ومش متنازلين يرجعوا التوقيت الشتوي كمان شهر

على كل حال تاخير الدوام للساعه عشره يعني عطلوهم بس بالعقل



كانت هذه مجموعة من تعليقات رواد مواقع التواصل الاجتماعي مع تعليق الدوام ليومي الاربعاء والخميس

radio albalad · ازدحامات مرورية خانقة في عمان بعد قرار تأخير الدوام الرسمي حديث مواقع التواصل