ضجت مواقع التواصل الإجتماعي بعد قرار شركة بن العميد برفع سعر القهوه الى 14.80 للكيلو أي ما يعادل 2.20 دينارين فرق ارتفاع عن السعر السابق ، اصبح سعر كاسة العميد ابتداءً من صباح اليوم في جميع محال وكافيهات بيع القهوه الجاهزه  0.60 قرش للكاسه 
ف علق فراس : يعني كاسة القهوة اللي عالطريق راح تصير .75 قرش 
كاسة قهوة وحبة كيك عالريق بدك دينار ودخان دينارين ونص
وقزازة مي .35 قرش وبدك زيهم المساء 
وانت اصلا رايح تشتغل بيومية 8 او 10 دنانير 
طبعا اذا بتفطر بالشغل بدك سلفة

وكتب جمال : يالطيف ليش معها سمن بلدي 
في قهوة نصار أطيب منها وكل حبه فيها محبه قال عميد قال

واضاف جميل : سعر مبالغ فيه ولا يعكس جودة المنتج ولا اسعار القهوه الحقيقيه وما ضل إلا تبيع قهوتك بالصيدليه لذلك يجب مقاطعته حتى يتم انزال السعر بأقل مما كان عليه سابقا(بن العميد كفيت ووفيت دع السوق لغيرك)

وأبو سكندر علق : على بركة الله  
انا عندي بي ٦٠ قرش 
وفي نوع آخر بي ٥٠ قرش 
والاختيار للزبون 
ونحنا مع المواطن مش ضدو

ونختتم مع احمد : على بركة الله بس انا شايف انه المقاطعة افضل من رفع السعر لأنه إذا قبلنا بالرفع هاي المرة رح يطمعوا أكثر وكل فترة رح يرفعوا السعر افضل حل مقاطعة بن العميد والمطالبة بتنزيل السعر عن السابق

كما وصرح العميد أن سبب الزيادة يعود لعدة عوامل أهمها الارتفاع الملحوظ في أسعار البن الخام وأسعار البن في السوق العالمية والزيادة الكبيرة في تكلفة الهيل بنسبة 58% خلال العام الماضي بالإضافة لتحديات التوريد وارتفاع تكاليف الإنتاج

كان هذا ابرز ما تفاعل معه رواد مواقع التواصل لهذا اليوم…في أمان الله..