احتراق سيارة عند جسر المتلقى أمس حديث مواقع التواصل…

انتشرت على صفحات مواقع التواصل الاجتماعي مقطع فيديو لحريق السيارة كهربائية عند جسر المتلقى في العاصمة عمان وتضاربت ردود الافعال حول هذا الحدث:

حسن خنجر علق: حابب أحكي كلمتين بخصوص ال id4 الي احترقت اليوم 
أول إشي الله يعوض ع صاحبها و يكون معه يا رب و ماشاء الله عما شباب نخوه و كفو و شفت مبادرات بترفع الراس حتى يقوفوا مع صاحبها بمصيبته.
ثانيا الهجوم إلي صار ع السياره من ناس أصلا عمرهم ما ركبوا فيها كان جداً مستفز و تعليقات جداً تافهه للأسف و بدل ما تكون كلمة خير و يهونوا ع صاحبها كان في كلام بقهر و بسم البدن
ثالثا الشباب الي انتقدوا السياره و شنوا هالهجوم الي لو نشن ع اليهود كان تحررت فلسطين بحب احكيلكم انه التماس الكهربا لو صار بأي سياره و طبعا كل السيارات معرضه انه يصير فيها بحرقها و ما بخلي منها برغي ف يا ابو العريف و يا مهندس و يا فهان الشغله لو صارت بسياره بنزين او هايبرد كان نفس النتيجه و الشغله ما الها علاقه بنوع السياره او منشأها أولا هاد أمر ربنا و ثانيا الله اعلم شو كانت المشكله الي بالسياره الي سببت التماس ف قبل ما تصدر احكامك و تحليلاتك إقرأ و إسمع و شوف و برجع بكرر الشغله لو صارت بأي نوع سياره ع وجه الارض كان عملت نفس النتيجه الي تعرضتلها سيارة اخونا و سبب حريقها كامل انه للاسف ما كان في اي اطفاء سريع الها و بعتذر على الاطاله سامحونا

ومازن الطراونة: الله يعوض على صاحبها

عصام البرغوثي: الاصلاح السيئ بعد اي حادث هو أهم سبب سواء السيارات الكهربائية أو الهجينة أو البنزين.

محمد علاونة: الله يعوض على صاحبها بخصوص هيك حاله اي سياره بالعالم معرضه وصارت مع كثير سيارات مصنعه من شركات عملاقه ومعروفه بالسوق بسبب خلل ممكن يصير فيها والموضوع مش هايبرد وبنزين وكهربا لاكن سيارات الهايبرد او الكهربائيه معرضه اكثر من سيارات البنزين بسبب قوة وخطورة الدائره الكهربائيه يلي موجوده فيها فما رح  تتحمل اي خلل التماس كهربائي يلي ممكن يكون غلط فني او السيارات فيها حوادث وبهيك حاله البلد يلي بتكون فيها تمنع استعمالها بيجي العربي بشتري وبشلفق وبصلح ويالا انوديها على الاردن مهم شعب بركب كوم حجار تفرقش معه اهم اشي الجعصه والتشكيل وسلامتكم ✋

وحسين الطراونة: لا حول ولا قوة الا بالله العلي العظيم والله بخوفوا  سيارات  الكهرباء 
الا بنزينك  ما يفيدك

طارق الرسلان: يعني الواحد لازم تنحرف سيارته عشان يقتنع بأنو الوارد الصيني من سيارات الكهرباء اللي داخله عنا خطيره جداً و مش آمنه ..هسع بيجي واحد و بقلك عادي بتصير  .... لأ ما بصير .سيارات الكهرباء لمن بتنحرق بتبلش من جوا و بشكل سريع جدا لدرجة انو مرات اللي راكب فيها ما يلحق يطلع و صارت عنا و مرات الأبواب بتسكر و ما بتفتح من جوه لأنو القفل بضلو معلق من جراء شورت الكهرباء . و لسه ما شفنا اشي لأنو كل السيارات لسه جديده و مش مستهلكه  
الله يهدي الجميع .

وقد ذكر صاحب السيارة في تصريحات صحفية بإن السبب الحقيقي لحريق السيارة هو الإهمال في متابعة التصليحات والصيانة بعد أن تعرضت سيارته قبل أيام لحادث تصادم من الخلف .

كان هذا أبرز ما تداوله وتفاعل معه رواد مواقع التواصل لهذا اليوم.