شكى عدد من المواطنين من حفر وهبوطات في الشوارع والتي تتصدر المشهد بعد كل منخفض جوي وعلقو على الأضرار جسيمة تلحق بالمركبات وتكبدهم مبالغ كبيرة لإصلاحها

وتفاعل الرواد مع هذه الحدث ونبدأها مع 

عماد التميمي يقول هي كلها من فساد المسؤول اللي قاعد على الكراسي...هي بدها فرقه لمتابعة كل صغيره وكبيره بالشوارع وعمل صيانه اول باول لكل خراب....اصحى يامسؤول من الهلاك قبل ما تموت الدنيا قصيره اصحى

محمد ابو نواس على حساب شوارعنا بتعادل الدول المتقدمة اشاعات

انتو بتحبو الأجانب بس هههههههههههه 🤣🤣🤣🤣

حارث أحمد علق هذا وان يدل على شي واحد الغش في العمل يجب محاسبة الفاسدين والصغير قبل الكبير

سامي أبو شاور كما قاله أحدهم" أن البُنية التحية لدينا تضاهي ما في العالم المتقدم"

زياد خمايسة وبحكولنا ضريبة المحروقات بتروح ع البنية التحتيه

محمد الزبن فساد فساد فساد .. غياب المحاسبة .. زفت عالصيف ومع اول شتوة الشارع بيتفجر .. ولا كيف المتعهدين بدهم يشتغلوا 

عطا عفانة غش وفساد ورشاوي وسرقات  وانعدام  ضمير 

بدر الربيع ليش عنا شوارع بالاردن عندنا حفر بس

ثائر جمال هذا مش بالاردن لانه رئيس الحكومة الله يخليلنا ااياه وامانة عمان المحترمين

قال انه الشوارع عنا من احسن الشوارع بالعالم بل وتنافس اوروبا

خالد زيتون عليم الله تقول بتمشي ع درج مش ع شارع

مالك الركيبات نفسي اعرف المتعهد الي يشتغل الشوارع لما يمشي ويوكل مطب يسب على نفسه ولا لا

محمد الخطيب حرامية لأنهم شوارع زي العمى صيف وشتاء

كان هذا أبرز ما تفاعل معه رواد مواقع التواصل لهذا اليوم

Radio Al-Balad 92.5 راديو البلد · أبرز ما تفاعل معه مواقع التواصل الإجتماعي حول الحفر والهبوطات في الشوارع