قمة أردنية مصرية فلسطينية اليوم في العقبة لبحث التطورات في غزة

حديث مواقع التواصل الاجتماعي

علق نزار : المفروض هذا الثلاثي هو أكبر مؤثر على ما يحصل في غزة.. ودورهم يكون كبير كثير باللي بصير، وان شاء الله نطلع بنتيجة من هالقمة

وعلق ياسر سيف : ما النا عين ولا حق نحكي احنا تعبنا من هالحرب مقارنة بما تعيشه غزة، لكن والله تعبنا يارب هالقمة نطلع فيها بأشي حتى ولو هدنة لكم يوم

وأضافت رند محمد : لسى بعملوا قمم وببحثوا بموضوع غزة، مشان الله هو ضل اشي بغزة فيه اي مظهر من مظاهر الحياة؟
ولكن مع هيك يارب يارب نطلع بنتيجة وما تكون مثل القمم السابقة.

واضاف مروان محمد : قمة عربية ثلاثية؟ شفنا القمة العربية لكل الدول العربية والإسلامية وما عملت شي هاي القمة الثلاثية رح تطلع بقرار او حتى هدنة؟
الله المستعان

واضافت اسماء منصور : ندين 
نشجب
ندعوا
نطالب حفظناا

واضاف مجدي صبحي :وماذا بعد وما آليات تنفيذ القرارات والآخطر من ذلك هل عباس متحدث باسم جميع الفلسطينين  حتى يستطيع تنفيذ ما تتفقوا عليه للأسف أشك

ونختتم بتعليق احلام عمر : ياريت يلغوا كل المعاهدات مع إسرائيل ويسحبوا سفرائهم منها بالإضافة لطرد السفراء الاسرائيليين، خليهم يضغطوا عليها وحان الوقت للتكاتف العربي ضد الصهاينة بكفي إبادة ومجازر

وتأتي القمة ضمن إطار جهود الأردن المستمرة في تنسيق المواقف العربية للضغط للوقف الفوري لإطلاق النار في غزة وإيصال المساعدات الإنسانية دون انقطاع

كان هذا ما تداوله رواد المواقع الاجتماعية اليوم في امان الله