قامت مجموعة من النشطاء باطلاق حملة احتجاجية من الداخل الفلسطيني، رفضا لتعامل فرقة "أوتوستراد" الأردنية مع السفارة "الاسرائيلية" في عمان، وطلب الحصول على تأشيرات الزيارة، من أجل إقامة عروض فنيّة في فلسطين المحتلة.

وعبر موقعيّ التواصل الاجتماعي "الفيسبوك" و"التويتر"، طالب النشطاء الفرقة بالتراجع عن الجولة وعدم زيارة فلسطين بتأشيرة، واعتبروا أن "التعامل مع سفارة الكيان اعترافا بشرعيته وتغييرا لفهمنا لطبيعة الصراع".

يذكر أن فرقة "أوتوستراد" تقوم بجولة فنيّة، تتضمّن زيارة الأراضي الفلسطينيّة للترويج لألبومها الجديد.

ومن جانبه رفض عضو الفرقة حمزة أرنؤوط هذه الاتهامات. وقال لـ "عمان نت": نحن فلسطينيون وأردنيون لا فرق بيننا، وطريقنا الوحيد لدخول وطننا فلسطين هو عبر هذه الوسيلة، ولا يحقّ لأحد منعنا من العمل".

وأضاف: "عروضنا الفنيّة سنقدّمها لشعبنا الفلسطيني، ونرفض اتهامنا بالتطبيع، كما نرفض أن يزايد أحد علينا".

هذا وحملت هذه الحملة عنوان: #تعالوا_بعد_التحرير، تأكيدا على أولوية التحرير على الترفيه.

ومن بعض التغريدات التي تضمّنتها الحملة:

فرقة دار قنديل حاولنا كثير ندخلها على #القدس وما قدرنا لانهم ممنوعين من الإحتلال ليش انتوا الاحتلال سمحلكم @Autostrad؟ #تعالوا_بعد_التحرير

@Autostrad الفرق بين الحرية وبين تحسين شروط العبودية هو كالفرق بين قدومكم بموافقة الاحتلال وبين قدومكم بعد التحرير. #تعالوا_بعد_التحرير

احترموا إرادتنا ومتيجوش @Autostrad #تعالوا_بعد_التحرير pic.twitter.com/D7tyCjQYMi

لما بوسترات الحفلة كلها فيهاش ذكر لمشهد الاحتلال، او لوجود حواجز او لوجود اسرائيل .. فهذا بنظري تشويه للواقع #تعالوا_بعد_التحرير @autostrad

لولا الاعتراف بشرعية "اسرائيل" و التنسيق الامني وضمان سلامة مصالح العدو،بكنش في سفارة بالأردن لتعطي فيزا @Autostrad #تعالوا_بعد_التحرير

حد أعضاء @Autostrad:"سنغني كفرقة عربية في الناصرة،لجمهور عربي، في قاعة عربية وكأن الاحتلال غير موجود" مهي هادي المشكلة! #تعالوا_بعد_التحرير

من لا يتّخذ موقفاً ضد الاستبداد في وطنه، من الصعب الحديث عن "تواصله" مع فلسطين. @Autostrad #تعالوا_بعد_التحرير”

كيف بترضى نحتكم للعدو المجرم، يسمح ويمنع وينقى مين منا بحقله يفوت فلسطين؟ @Autostrad #تعالوا_بعد_التحرير

6 مليون لاجيء فلسطيني بقدروش يجوا ع #فلسطين والاحتلال مش موافق ع عودتهم يا @Autostrad وحضرتكم مشرفينا بموافقة الاحتلال. #تعالوا_بعد_التحرير

مش قادرة افهم كيف وصلنا لوضع نحكي في ونطالب فنانين من البلدان العربية بمقاطعة دولة الإحتلال شو مش مفهوم بالزبط؟! #تعالوا_بعد_التحرير

هاي الحفلات عمتغير وتعاملنا ووعينا للاحتلال، بصير اختزال العدو المجرم بسفارة وفيز ونقطة حدودية واجراءات شكلية @Autostrad #تعالوا_بعد_التحرير

اه الفن رسالة، بس خلينا نفكر شوي، شو الرسالة اللي عم توصلوها؟ داخلين تضامنوا؟ غنوا على الحدود واتضامنوا و #تعالوا_بعد_التحرير @Autostrad

ليش ما تتواصلوا مع الفلسطينيين الي في المخيمات ليش التواصل لازم يكون بس عن طريق التطبيع #تعالوا_بعد_التحرير

وكمان راح تمروا عن نصب تذكارية لجنود صهاينة قتلوا بيد اردنية شريفة اوعوا تخربطوا في قراءة الفاتحة #تعالوا_بعد_التحرير

@Autostrad بنكون مبسوطين كتير لو وقفتو عالحدود وغنيتو وحكيتو مش قادرين نفوت لانو الارض محتلة ولازم تتحرر، بس #لا_للتطبيع #تعالوا_بعد_التحرير

سفارة الإحتلال، مش "طبيعي" تكون ببلدك. أرفضها! وأكيد أكيد، تيجيش عنا بتأشيرتها! @Autostrad #تعالوا_بعد_التحرير

#تعالوا_بعد_التحرير https://twitter.com/Autostrad فرق غربية وفنانون وعلماء ومشاهير رفضوا المشاركات او اقامة حفلات احتجاجا على الاحتلال الصهيوني

برمضان اسرائيل بتتكرم بالتصاريح لأهل الضفة، وبعض الشباب رفضوا ياخدوا التصريح ونطوا عن الجدار! اوتستراد انتوا ليش جايين؟ #تعالوا_بعد_التحرير

#الأردن @Autostrad #تعالوا_بعد_التحرير كيف بترضى نحتكم للعدو المجرم، يسمح ويمنع وينقى مين منا بحقله يفوت #فلسطين؟ #تطبيع