تراجع الحكومة عن رفع الحد الأدنى للأجور يسبب غضب عبر مواقع التواصل.. استمع

الحد الأدنى للأجور
الحد الأدنى للأجور
الرابط المختصر

المؤسسة العامة للضمان الاجتماعي تتراجع عن قرارها برفع الحد الأدنى للأجور الخاضع للاقتطاع ليبقى عند 260 دينار بدلا من 271 فما القصة؟

 جاء ذلك بعد يوم واحد من بيان أصدرته المؤسسة بالالتزام بالقرار الصادر عن اللجنة الثلاثية لشؤون العمل والمتضمن زيادة الحد الأدنى للأجور بما يعادل نسبة التضخم الصادرة عن الجهات الرسمية

وتفاعل رواد مواقع التواصل الاجتماعي مع هذا الخبر بشكل واسع وكبير فخالد الكرمي يعلق "شكلكم فكرتو أنه ال ١٠ الليرات رح تغني الشعب الأردني لأنه عايش برفاهية زيادة ما بنقول الا حسبي الله ونعم الوكيل"

وعمار الناصر يقول بسخرية "صح ليش ترفعوا الرواتب حد طلب منكم زيادة وال ٢٦٠ بعيش فيهم حياة سعيدة "

وأبو أيهم العمايرة يكتب باستهزاء " لأنه ٢٧١ كثير بعدين بنبطل نعرف وين نصرفهم وبصير الشعب يروح رحلات على تركيا"

واحلام بسام تعلق "ال ٢٦٠ بس بتكفي اجار البيت ومواصلات بجوز تقدر تشتري جرة غاز  بس وكثر الله خيره"

وشهد تعلق "ههههههه لا تطاوشو كلها 11 نيرة
مش هالزيادة والله
وليكون حاسبين ال 260 راتب وبعيشنا
يا ريت الوزراء واصحاب القرار ياخدوا نفس رواتبنا اشوف كيف رح يعيشوا"

واحلام خرابشة "الحمدلله رب العالمين انهم بطلو 
لانه مش عارفين شو نعمل بالزياده 
ايش المشروع  الي رح نفتحه 🤣"

ونختمها بتعليق ام شهم" مش لما نستلم  ال ٢٦٠ بالأول لحتى نستلم الحد الأدنى يلي تراجعتو عنه"

كان هذا أبرز ما تداوله وتفاعل معه رواد مواقع التواصل الاجتماعي لهذا اليوم.

Radio Al-Balad 92.5 راديو البلد · تراجع الحكومة عن رفع الحد الأدنى للأجور يسبب غضب عبر مواقع التواصل

أضف تعليقك