تفاعل رواد مواقع التواصل الاجتماعي مع تصريحات وزيرة الدولة للشؤون القانونية وفاء بني مصطفى، بقولها، إن هناك تعديلات جديدة في موضوع حبس المدين وإن التعديلات الجديدة لا يجوز فيها حبس الشخص والتنفيذ عليه مدة أكثر من ٤ شهور مهما تعددت الديون التنفيذية عليه وإن تعديلات حبس المدين ستشمل أكثر من ٨٤ ألف مطلوب على قضايا أقل من ٥ الاف دينار

نبدأ مع علي جرادات والذي يتساءل بقوله "وكيف بدي احصل فلوسي ال٥ الاف هاي بالنسبه الى بتكسرني هذا قرار يشجع على النصب والاحتيال وانو الواحد يوخذ حقه بنفسه وبالطريقه اللي بيشوفها مناسبه هيك بدكم"

أما محمود عوض قال "احبسوهم خلونا نخلص منهم خلي الواحد يعرف يعيش"

بينما كتب موسى الراسي "يعني انصبوا عالعالم بس لغاية ٤٩٩٩ دينار، هيك القانون، يعني يستأجر بيت وما يدفع الاجار وكل سنه ينتقل من بيت لبيت

شو هالحكي الفاضي."

وأثارت وفاة الفنان الأردني جميل عواد جدل حرمة الترحم على الميت المسيحي من عدمه.

ابو طارق حداد قال: "وداعا لقامة فنية اثرت الفن الاردني والعربي بفن راقي يعكس صورة الاردن الطيبة رحمك الله وتعازينا الى اهله والى ابناء الوطن ٠"

وأضافت أمل سليمان: ما شاءالله شو في ناس كثير شاطرين بالإفتاء قال الرحمة ما بتجوز عليه بس ليش مش مسجلين بدائرة الافتاء بالله جد التعليقات اشي بحزن

وعلق سامر أيوب: الله يرحمو

الأشخاص اللي بحكو حرام تترحم على غير المسلم ، بحب احكيلكم ان ربنا ما بنتظر الموافقة منكم حتى يرحم حدا ، اذا ما بدكو تترحموا عليه ، ما في داعي تعلقوا باشي .

كانت هذه مجموعة من تعليقات رواد مواقع التواصل مع تصريحات وزيرة الدولة للشؤون القانونية ووفاة جميل عواد.

radio albalad · أبرز ما تداوله رواد مواقع التواصل الاجتماعي حول حبس المدين