تفاعل أردني واسع على مواقع التواصل الاجتماعي تحت وسم #متحرش_التنكو لتسليط الضوء على قضية تحرش جنسي لدكتور جامعي بطالباته في إحدى الجامعات الأردنية

جامعة العلوم والتكنولوجيا أصدرت بيانا رسميا أكدت فيه تشكيل لجنة تحقيق للتأكد من حيثيات الموضوع وأنها ستتخذ الاجراءات الرادعة، بينما اعتبر الدكتور أحمد السعد، وهو المتهم في التحرش، أن نُشر عبر حساب وهمي روايات مفبركة وتسجيلات صوتية تحوي أكاذيب واضحة وسيلجأ إلى القضاء.  

نبدأ مـع آيات عثمان: للأسف مش لحالو الجامعات مليانه اشكاله و ياريت الرقابة تتفقد اشباه الرجال بكل الجامعات

 وتأخذ الاجراءات لأنه ما حدا موقفها عند حدها والاكثر بخاف يشكي عشان ما حد يحط حطاطته بالمادة

كتب احمد الحياصات: بكل جامعة في دكتور زي هيك للأسف

وبكون واسطتهم قوية وماحد بقدر يحكي معهم وبينظلموا طلاب كتير بسبب هالاشي

غردت رهف الزغول: طيب على اي اساس تنشرو صور الدكتور وما في اي إثبات خافو الله... لنفرض طلع بريئ!! شو ذنبه وشو ذنب أهله انتو خربتو حياته وفيش ولا إثبات كله حكي بحكي ..حتى الدكتور نفسه انكر واحتمال يكون بريئ.

علق موسى: كثير هاي الظاهرة موجودة في الجامعات الموضوع ظاهرة وليست حالات فردية والمشكلة مرات الدكاترة بيكونوا اعمار كبيرة يعني (عنده أحفاد)

يا ريت يكون في اجراءات لهيك قصص لانه صرنا بزمن حتى نخاف من دكاترة الجامعات

وتفاعلت رنيم ابو خضير: مؤسف

ولازم الجامعة تتخذ قرار بفصل الـدكتور قبل ما يؤذي ناس اكتر

ونختمها مـع ماجد: حتى لو صحيح هالحكي ليش ليستنوا الطلبة ٦ سنوات وما شكوا عليه والطلبة الذكور ما دام انهم بعرفوا هالحكي وين الرجولة ليش ما ادبتوه

احكوا حكي منطقي طبعا كلنا ضد التحرش ومن اي شخص كان بغض النظر عن منصبه او نسبه وحسبي الله ونعم الوكيل

كانت هذه مجموعة من تعليقات رواد مواقع التواصل الاجتماعي مع وسم متحرش التكنو

--

اعداد:  عهد النواجي 

بصوت:  عمار البوريني 

radio albalad · وسم #متحرش_التنكو يتصدر تويتر وغضب على وسائل التواصل