تصريحات رئيس الوزراء خلال افتتاح جلسات الأداء الاقتصادي حول البرنامج التنفيذي لرؤية التحديث الاقتصادي.

تثير تفاعل كبير بين رواد مواقع التواصل.. فقد صرح الخصاونة خلال الجلسة  "لن نقف صامتين إزاء ما يتم اختلاقه من قصص ضد الأردن ولا يوجد أي جسر بري من الأردن على أرض الواقع … ونظام النقل في الأردن لم يتغير منذ أكثر من 25 عاما".
ف قال أحمد الرشدان أبو يوسف: والله مليح اللي حكيت انفضحنا معاليكم هات أحكي أنكر الأكاذيب دافع عن هالوطن المظلوم

مصطفى أبو حسام العميري: طيب معاليك احنا مصدقين بس بنسبه لمنتوج الغور البندوره الخيار وباقي ما تبقى ليش بتسمحو للتجار تصديره الى اسرائيل وانت معاليك ممكن بمكالمه منك اتوقف هاي المهزله ولا اتقلب قانون انت مع جميع الصلاحيات والقانون علل

عمر ضواهرة :موقف الأنظمة العربية والاسلامية جميعها موقف ركيك ضعيف مخزي وكأن غزة واهلها من كوكب اخر... لا نلوم الأردن بقدر لومنا للدول الأكبر اقتصاديا وعسكريا وسياسياً... فأردوغان الذي اشبعنا تنظيراً لم يجرأ على قطع العلاقات مع الصهاينه وايران التي تهدد ليلا نهارا بمحوا اسرائيل لم تقدم للمقاومة بغزة غير الكلام والتصريحات ومصر الجار الشقيق لغزة كانت مشاركة بالحصار... لم نقدم لغزة واهلها ما يساعدهم على الصمود ولكن اللوم على الدول الكبرى اولا قبل الاردن

محمود محمد: مساعداتكم لا تصل احد، هي فقط لافراد المستشفى الميداني، اعملوا انزال لسكان الشمال الذين ذبحتهم المجاعة.

ومحمد عمير علق :يعني نفهم انو احنا مش مقصرين مع الجماعة ايهمو فازعين الهم من ٢٥ سنة مش بس من أحداث سبعة أكتوبر.

إسراء أبو طوق :التجار عنا بحكوا الجسر موجود.. واليهود بحكوا انو البضائع من الإمارات بتمر عبر السعودية ثم الاردن لليهود.. فأنا بقول العار لاحقنا لاحقنا إلا إذا اخدنا موقف.

زيد طلال:تهمة اطلقوها لتحْوين الأردن ... تركوا كل اشي وركزوا ع الجسر البري الوهمي الي تتناقله صفحات عبرية بصدقوا كل اشي عن الاردن مصدره الصفحات العبرية بس ما بصدقوا اشي ثاني نسيوا الانزال الجوي والمساعدات وكل اشي.

كان هذا أبرز ما تداوله وتفاعل معه رواد مواقع التواصل لهذا اليوم.