عمان نت-عهد النواجي

تفاعل رواد السوشال ميديا ميديا مـع تصريحات وزير الداخلية مازن الفراية أننا ذاهبون إلى 4 رفعات على أسعار الوقود خلال الأشهر المقبلة، على الأقل، والتي أعقبها الفراية بقوله إن وزير الداخلية هو وزير عابر للقطاعات وليس له قطاع معين.

كتب ابو كتيبة: إذا كان هذا التصريح صادر عن وزير الداخلية هو حديث عن المستقبل القريب...

إذًا:

لماذا يدعون أن هناك لجنة لتسعير المشتقات كل شهر؟؟؟!!!

وما الفائدة من مراقبة أسعار المشتقات النفطية العالمية بين ارتفاع وانخفاض؟؟؟!!!

النتيجة كله يضحك ع كله.

وعلق ابو هاشم الشياب: الظاهر ما رح تتركو البلد بحالها غير تا يصير اضراب عام هذيك الساعه بتصير تقول يا ريت شلنا النص ليرة ضريبه مقطوعه على كل لتر بنزين..يكفي انكو بتربحو من النفط اكثر من الدول المنتجه للنفط وبتربحو بجمرك السيارات اكثر من الشركات المصنعه وجاي تقلي اربع رفعات ولازم المواطن يتحمل

بيان الصغير قالت: انا مش عارفة ليه زعلانين خلص حولو كل سياراتكم لكهربا وقاطعو البنزين يعني وين الاشي الكبير بالموضوع!

وتفاعل أكثم الحموري: شو علاقة الداخلية بالاستثمار والاسعار

فعلا الوزارات دخلت ببعض الظاهر، والشعب تعبان والدولة نفسها تعبانة والله

أما أمل الفاعوري: موافقين ارفعو الي بدكم اياه عشر مرات كمان بس ارفعو رواتبنا وموافقين ع كل شيء

ونختمها مع ياسر الجبارات: خليكم ارفعوا بالاخر احنا هيك هيك راح نقاطع

لأنه ثقافة الشعب المحترم بتيجي بالمقاطعة

كانت هذه مجموعة من تعليقات رواد مواقع التواصل الاجتماعي مع تصريحات وزير الداخلية، التي قال فيها إن ان الحكومة ذاهبة إلى أربع رفعات على أسعار الوقود خلال الأشهر المقبلة، على الأقل

radio albalad · غضب على وسائل التواصل بعد تصريحات وزير الداخلية بشأن اسعار الوقود