استمرار الاعتداء على المعتكفين والمصلين في المسجد الأقصى واعتقالات وانتهاكات يتعرض لها المقدسيين على إثر هذا نظم ناشطون وقفات تضامنية مع الشعب الفلسطيني أمام سفارة الاحتلال الإسرائيلي في عمَّان. 

كتب فؤاد محمد:باعتقادي التام بأن هذا اقل شيء ممكن نقدمه للاقصى في هيك وضع 

هذا مسجد المسلمين شوفو كيف عاملين فيه والشعوب ساكتة 

أما ميار علقت:الي بسال شو بنستفيد من هيك وقفات ترا هيك احنا بنضغط عالاحتلال اعلاميا والاحتلال بحب يبين بصورة حلوة وانسانية قدام الناس فممكن اذا استمرينا يوقفو هالهجوم 

وتفاعل أحمد حسن:عالاقل بنحسس الشعب الفلسطيني الي بالداخل انه مش لحاله بحارب وكل الشعوب واقفة معاه وبتدعمهم والدعم النفسي جدا مهم الله يفرجها عليهم

واضافت ميساء هشام:فعلا شعب واحد مش شعبين بس لازمها موقف رسمي من جميع الدول والرؤساء لانو بكفي هيك 

واضاف عمر السرحان:الكل بدين وبستنكر وما حدا بتحرك وشو فايدة الاستنكار والادانة على اساس الاحتلال راح يرد عليكم !!!

ونختمها مع اسلام:الانتهاك الي عملوه الدول بسكوتهم اكبر من انتهاك اسرائيل لفلسطين

كانت هذه مجموعة من تعليقات رواد مواقع التواصل الاجتماعي مع الوقفات التضامنية للشعب الفلسطيني.