مهن وحرف يحظر على غير الأردنيين ممارستها، عنوان ضجت به مواقع التواصل الإجتماعي أمس بعدما صدر في الجريدة الرسمية تعليمات المهن الحرفية والأشغال اليدوية التي لا يسمح لغير الأردنيين بممارستها رقم 9 الصادرة بمقتضى الفقرة (ب) من المادة 13 من نظام تنظيم البيئة الاستثمارية رقم 7 لسنة 2023.

واشتمل القرار على مجموعة من مهن وحرف منوعة ذكرت بالتفصيل في الجريدة، ما أثار تفاعل رواد مواقع التواصل الإجتماعي الذين تفاوتت آراءهم مابين مؤيد ومعارض ووصفه بالعنصري.. 

ف نماء غردت على تويتر  : القرار الصادر بمنع "غير الأردنيين" من ١١ وظيفة غالبيتها حرفية هو قرار عنصري ومجحف بحق عدد كبير من الطبقة العاملة وتجاهل كامل لتاريخ الأردن الاجتماعي والاقتصادي اللي يوثق وصول كثير من الحرف إلى الأردن عبر المهاجرين اللي حملوا مهنهم وحرفهم ومعارفهم معهم. من متى احنا هيك".

وأحمد محمد"لازم كل المهن الاولوية للمواطن هيك كل الناس بتعمل اذا حصل نقص و احتجت بتحط غير مواطن بالفترة الاخيرة تقريبا كنت بدور عشغل المطاعم و القهاوي و حارس عمارة و التنظيف و كتير مهن لغير الاردنيين طيب بتقولوا بطاله.. هاي ٥ شهور بدون شغل .. تارسين الدنيا و المواطن بطلب دعم و مساعدات.".

وعبدالله الجمل"ما في رقابة اصلا ع العمال الأردني طفران صار زي فلان الي قضى ع البطالة في جنوب شرق آسيا ومش داري انه نص ولاد البلد بطالة عنا".

وخالد المناصير "والوظايف الحكومية يحظر على الأردنيين ممارستها".

و يحيى صوالحة علق" حبر على ورق".

ولين حسين كتبت "طبقوا القانون خلي هالشعب يسترزق جد تعبنا نفسيا".

وجمال البداري" كلام غير ساري لأنه محلات الحلويات والمخابز أغلب عمالها من جنسيات غير أردنية".

ونختمها ب سلمى النمس التي علقت "ترى مش هيك بتخلق وظائف للاردنيين، وللعلم المهاجرين ساهموا في رفع سوية اداء وحرفية الاردنيين في هذه المهن. ابدا مش عارفين نقرأ المشهد ونواجه الاشكاليات بطرق مبتكرة!".

كان هذا أبرز ما تداوله وتفاعل معه رواد مواقع التواصل الإجتماعي الأردني اليوم.

Radio Al-Balad 92.5 راديو البلد · تخصيص حرف ومهن بأردنيين تثير جدل بين رواد مواقع التواصل