04/12/2022 - 14:49

تفاعل رواد مواقع التواصل الاجتماعي مع تصريح رئيس الوزراء بنفي بيع قلعة الكرك كمعلم سياحي أو أي قطع أراض في مناطق العقبة والبترا

كتب معتصم منصور: طيب وين وزارة السياحة اليست المسؤولة عن ذلك لماذا لا تقوم هي بالاستثمار

ما هلكنا الا تقديم فرص استثماريه مثل فرص العقبه الي طارت كلها من بين ادينا

أما أحمد ابو ريان: معو حق هاد اسمه استثمارات مش بيع

ولا بدك اياها شركات حالات انسانيه دايما بترجع لورا

هذا النظام موجود في كل دول العالم المتقدمه الشركات الي عندها بديرها شركات ذو ختصاص ذو خبره عشان تكون ناجحه والكل يستفيد منها

وتفاعلت لانا عبد الله: تعودنا في البلد انه بعد النفي يطلع الخبر صحيح خبر نوايا جلب المياه من العدو تم نفيه في عمان وبنفس اليوم تم تاكيد الخبر في الامارات يا ريت هالمرة يكون جد مش مبيوع اشي والخبر صحيح لترجع ثقة الشعب اهم شيء

وفي موضوع آخر كان التفاعل مع وزارة الزراعة ان هناك انخفاض لأسعار الخضار وانتظام الكميات الواردة للأسواق المركزية

كفاح علاونة قالت:الحكومة بتصرح بالانخفاض والتجار بحكولنا الارتفاع من السوق المركزي وطاسة وضايعة

عبد الله نعيمات: فقط بالأعلام وليس على ارض الواقع انزلو عالاسواق وشوفو انو الاسعار مثل ما هي

ونختمها مع خالد المصري: بصراااحه ما في دور للحكومة بمراقبة أسعار المواد الغذائية في الأسواق وين مؤسسات الدولة وموظفينها يعني إللي بسمع الخبر بصدق بنزل على السوق بنصدم بالاسعار

كانت هذه مجموعة من تعليقات رواد مواقع التواصل الاجتماعي مع نفي بيع المعالم السياحية وانخفاض أسعار الخضار.