بعد الإعلان عن قمة عربية طارئة في العاصمة  السعودية الرياض في 11 تشرين الثاني بعد طلب فلسطيني سعودي، لبحث العدوان الاسرائيلي على الشعب الفلسطيني وخاصة قطاع غزة .
لقي هذا  تفاعل على مواقع التواصل الاجتماعي

ف علقت تسنيم الزين : يعني معقول بدنا نستنى كمان 12 يوم مشان نرجع نسمع نندد ونستنكر، هاد وهي طارئة والله لو بدكم تستفزوا اهل غزة مو هيك، والله الواحد مو عارف هو يضحك ولا يبكي .

محمد زيود علق : ليش مستعجلين؟؟خلوها للسنة الجاي...البيان الختامي الها رح يكون...
ندين نشجب نعبر عن القلق ندعو لا للتهجير القسري (خط احمر) لا للعنف و العنف المتبادل و نراكم القمة القادمة باحترام دولة عربية جديدة.

في حين قال محمد علي : هاي وطارئة ب 11 لو مو طارئة السنة الجاية .

واضافت ريم الديري : مالكم مستعجلين في العجلة الندامة والتأني السلامة

وقالت هلا طبيشات : يعني ليش الاستعجال وليش الغلبة لا سمح الله شو بدكم تعملوا مثلا ؟ خلص انسوا الموضوع وكل واحد يبلش بحاله ... غزة الها الله ونيالهم لانهم ظمنوا الجنة ان شاء الله .

وعلق صهيب : طارئة وب 11.11 بكون مضلش حد بغزة ... او بجوز التاريخ عاجبهم .

واحمد الهنيدي قال : اطفال ونساء غزة والجرحى بدون ادوية وعلاج واكل وتحت القصف وووو بستنوا لما تخلص الاحتفالات والرقص،  بس 11 الشهر بتبين انه جد جد كثير مهتميين وسائلين بالموضوع .

واخيرا قالت رانيا ضياء: طارئة بعد 23 يوم من الابادة في غزة والتدمير لاهلنا ولا لسى كمان بدها 12 يوم يعني بيستنوا اسرائيل تحقق اهدافها لا سمح الله وبعدها يجتمعوا .

وقال المندوب الدائم لفلسطين لدى جامعة الدول العربية السفير مهند العكلوك إن فلسطين قدمت طلبا مشتركا مع السعودية بصفتها رئيس الدورة الحالية لمجلس جامعة الدول العربية، للأمانة العامة للجامعة لعقد قمة طارئة في ظل الحرب علة قطاع غزة .
كان هذا ابرز ما تداوله رواد مواقع التواصل الاجتماعي لهذا اليوم في أمان الله.