04/19/2022 - 13:33

"احتجاجا على الاعتداءات الإسرائيلية في مدينة القدس".. مجلس النواب يوافق على رفع مذكرة نيابية موقعة من النواب إلى الحكومة، تتضمن المطالبة بطرد السفير الإسرائيلي لدى المملكة

كتب محمد زريقات: كل النواب عارفين انو الورقة هاي لا بتقدم ولا بتأخر وشو فائدة الطرد بالله؟هل راح يفيد الاقصى بشيء!!! ما اعتقد.

وتفاعل أبو عامر:المفروض بدون ما النواب يطالبو الحكومة لحالها تطرده وعاد بتنسمع مطالبكم وهل فعلا راح ينطرد؟؟

ولكن صراحة اول مرة بحس النواب بوخدو قرار صحيح

وعلقت رؤى:هاد أقل شيء ممكن نقدمه مع انه ما بفيد ولكن كسرة انف للإحتلال مش اكثر والشعب معكم عالحلوة قبل المرة اعملوها واطردوه عاد

وفي سياق آخر كان التفاعل مع استضافة الأردن الخميس المقبل اجتماع طارئ للجنة الوزارية العربية

المكلفة بالتحرك الدولي

لمواجهة السياسات والإجراءات الإسرائيلية غير القانونية في مدينة القدس المحتلة

لبحث التصعيد الإسرائيلي الخطير في المسجد الأقصى

علاء عاصم قال: قضوها اجتماعات ومؤتمرات وفلوس وطيران وفنادق وبدل ليالي وصفقات بإسم فلسطين ويبقى السؤال هل فعلا راح يتغير شيء على وضع القدس والمسجد الاقصى ؟

هل راح ننقذ الاسرى؟

أما مروة:ما في داعي للاجتماعات في داعي لتدخلو جيوشكم العربية لحماية الأقصى فقط

ونختمها مع محمد العبادي: الاردن هي الدوله الوحيده يلي واقفه مع الاقصى وقضية فلسطين

وين باقي الملوك؟؟؟ وين كل هالشله ليش ما واحد يطلع اقل ما فيها يحكي مش يعمل مؤتمر زي عنا

كانت هذه مجموعة من تعليقات رواد مواقع التواصل الاجتماعي مع طرد السفير الاسرائيلي و الاجتماع الطارئ للانتهاكات الاسرائيلية.